মুনীন বৰকটকী স্মাৰক ন্যাস

অতিৰিক্ত উৎস

পিছলৈ

মুনীন বৰকটকীৰ বিষয়ে বিনয় মোহন শইকীয়া ৰচিত সংক্ষিপ্ত অসমীয়া জীৱনী গ্ৰন্থখনৰ বাবে ইয়াতে ক্লিক কৰক ৷

২০২১ বৰ্ষৰ ৰ্বঁটা প্ৰদান অনুষ্ঠানত অধ্য়াপক হীৰেন গোহাঁয়ে প্ৰদান কৰা অভিভাষণ (স্ব-হস্তাক্ষৰত)

যশস্বী লেখক, চলচ্চিত্ৰ পৰিচালক ডঃ ভবেন্দ্ৰ নাথ শইকীয়া আছিল ২০০১ বৰ্ষৰ বঁটা প্ৰদান অনুষ্ঠান (২৪-০২-২০০১)ৰ মুখ্য অতিথি৷ সংলগ্ন অংশটো তেওঁৰ ডায়েৰীৰপৰা উদ্ধৃত৷ পূৰ্ব প্ৰকাশ— প্ৰান্তিক, ১৬-২৮ ফেব্ৰুৱাৰী, ২০২১

মুনীন বৰকটকীৰ ১০৫ বছৰীয়া জয়ন্তী উপলক্ষে ১৭ অক্টোবৰ ২০২০ত পাঁচখন কাকতত প্ৰকাশিত সমালোচক, পূৰ্বৰ বঁটা বিজয়ী জ্যোতি খাটনিয়াৰৰ পাঁচটা বিশেষ লেখা ৷

শেহতীয়াকৈ প্ৰকাশ পাইছে মুনীন বৰকটকীৰ জীৱন আৰু দিনপঞ্জী আধাৰিত শিশিৰ বসুমতাৰীৰ গ্ৰাফিক উপন্যাস The Real Mr. Barkotoki

যোৱা ৭ নৱেম্বৰ (২০১৯)ত উত্তৰ-পূব গ্ৰন্থমেলাত আয়োজিত এটি অনুষ্ঠানত গ্ৰন্থখনি আনুষ্ঠানিকভাৱে উন্মোচন কৰে আন্তঃৰাষ্ট্ৰীয় খ্যাতিসম্পন্ন লেখক অৰূপ কুমাৰ দত্তই। আনহাতে, গ্ৰন্থখনিক লৈ নৰ্থ-ইষ্ট ৰাইটাৰ্ছ ফ'ৰামৰ উদ্যোগত ফ'ৰামৰ কাৰ্য্যালয়ত ৮ নৱেম্বৰত এটি অন্তৰংগ মত বিনিময় অনুষ্ঠান সম্পন্ন হয়।

২০১৭-১৮ বৰ্ষৰ মুনীন বৰকটকী সাহিত্য বঁটা প্ৰদান অনুষ্ঠানটি গুৱাহাটীৰ বিবেকানন্দ কেন্দ্ৰত ৯ মাৰ্চ, ২০১৯ত গাম্ভীৰ্য্যপূৰ্ণভাৱে অনুষ্ঠিত হৈ যায়৷ বিশিষ্ট অতিথি হিচাপে অংশগ্ৰহণ কৰি লেখক, অধ্যাপক উপেন্দ্ৰনাথ শৰ্মাই প্ৰদান কৰে 'তেখেত আছিল এগৰাকী প্ৰকৃত মেন অব্ লেটাৰ্ছ’ শীৰ্ষক এটি বিশেষ বক্তৃতা৷ পঢ়ুৱৈসকলৰ বাবে ইয়াতে সেই বক্তৃতাটোৰ লিখিত ৰূপ সন্নিৱিষ্ট কৰা হ’ল৷

মুনীন বৰকটকীৰ জন্ম শতবৰ্ষৰ অংশ হিচাপে [‘অপ্ৰকাশৰ বেদনা : মুনীন বৰকটকীৰ পৃথিৱী’ ] ‘Living in the Mind: the world of Munin Barkotoki’ শীৰ্ষক এখনি তথ্যচিত্ৰ নিৰ্মান কৰি উলিওৱা হয়৷ ৫৭ মিনিট দৈৰ্ঘ্যৰ জীৱনী-চিত্ৰখনি পৰিচালনা কৰিছে প্ৰবীণ হাজৰিকাই আৰু নামভূমিকাত অভিনয় কৰিছে ৰূপম বৰুৱাই৷

জীৱনী-চিত্ৰখনিৰ নিৰ্মাণ পৰ্বত মুনীন বৰকটকীৰ জীৱন আৰু কৃতি বিষয়ক সমকালীন অসমৰ বহুকেইগৰাকী লেখক-সাংবাদিক-বুদ্ধিজীৱীৰ লগতে পৰিয়ালৰ সদস্যৰো সাক্ষাৎ গ্ৰহণ কৰা হৈছিল৷